അങ്ങനെ ഇക്കൊല്ലത്തെ ഒക്ടോബര് ഫെസ്റ്റും തീര്ന്നു. ബിയര് കുടിയാണു ഈ അഘോഷത്തിലെ പ്രധാന ഐറ്റം ...
മ്യൂണിക്കിലെ വലിയൊരു മൈതാനത്തില് കുറേ കൂടാരങ്ങള് സെപ്റ്റമ്പര് അവസാനത്തോടെ ഉയരും ... ഒരു കൂടാരത്തില് ഏകദേശം ഏഴായിരം എണ്ണായിരം ആള്ക്കാര്ക്കു വരെ ഇരിക്കാം കേട്ടോ. അങ്ങനത്തെ 7 കൂടാരങ്ങള് ... രണ്ടാഴ്ചയോളം നീളുന്ന ബിയര് ഫെസ്റ്റിവല്
നല്ല കിടിലന് ദക്ഷിണ-ജര്മ്മന് ഭക്ഷണവും കിട്ടും കേട്ടോ! :)
ഇക്കൊല്ലം ആകെ മൊത്തം ടോട്ടല് 6 ലക്ഷം ആള്ക്കാര് വന്നെന്നാണു് റിപ്പോര്ട്ട്.
ഞാനും പോയിരുന്നു അവിടെ. ;) അവിടെ പോകുന്നതൊക്കെ കൊള്ളാം .. ടെന്റിന്റെ ഉള്ളില് കടക്കുന്ന കാര്യം ഭയങ്കര ബുദ്ധിമുട്ടാണു്. എന്നാലും ഇത്രയും വലിയ ഒരു ആഘോഷം നടക്കുമ്പോള് കാണാനെങ്കിലും പോകണ്ടേ?
കഴിഞ്ഞ വ്യാഴാഴ്ച ഞാനും എന്റെ ഒരു കൂട്ടുകാരിയും എന്റെ ജര്മ്മന് ടീച്ചറും പിന്നെ കൂട്ടുകാരിയുടെ കൂടെ ജോലിചെയ്യുന്ന ഒരാളും ഒരുമിച്ചു ഒക്ടോബര് ഫെസ്റ്റിനു പോയി.
നല്ല മഴ ... എല്ലാരും കൂടാരത്തിനുള്ളില് തന്നെ. ഞങ്ങള്ക്കു കടക്കാന് യാതൊരു രക്ഷയും ഇല്ല. എന്നാലും നടന്നു് നടന്നു്, അവസാനം ഞങ്ങള് ഒരു കൂടാരത്തില് കയറിക്കൂടി.
അതിനുള്ളിലെത്തിയപ്പോഴോ .. ഒന്നല്ല ഒരു 3 പൂരത്തിനുള്ള ആള്ക്കാര് :(
തിക്കിതിരക്കി നടന്നു ഞങ്ങള് ഇരിക്കാന് സ്ഥലം കണ്ടുപിടിച്ചു. ഒരു ഡെസ്കും അപ്പുറത്തും ഇപ്പുറത്തും ഒരോ ബെഞ്ചുകളും ..
അതു പറയാന് മറന്നു ... എല്ല കൂടാരത്തിലും നല്ല ഓര്ക്കെസ്ട്രാ ഉണ്ടാവും ... നല്ല കിടിലന് ജര്മ്മന് നാടന്പാട്ടുകള് ... പാട്ടു കേട്ടു ആള്ക്കാര് ബെഞ്ചിന്മേല് കയറി നിന്നു ഡാന്സൊക്കെ കളിക്കും ... ചുരുക്കിപ്പറഞ്ഞാല് ആകെ വൃത്തികേടായിക്കിടന്നിരുന്നൂ ബെഞ്ചുകള് രണ്ടും ...
ഞങ്ങള് ബെഞ്ചൊക്കെ വൃത്തിയാക്കി ഇരുന്നു. :) സന്തോഷമായി... വെയിട്രസ് വന്നാല് ഓര്ഡര് കൊടുക്കാന് തയ്യാറായി ഇരുന്നു... :) [വിശന്നിട്ടാണെങ്കില് കുടല് കരിയുന്നു]
അപ്പോഴല്ലെ അതു സംഭവിച്ചതു് .. എന്റെ പുറകിലെ ബെഞ്ചില് നിന്നു നൃത്തം വെച്ചിരുന്ന ആ തടിയന് ജര്മ്മന്കാരന് ... എന്റെ ബെഞ്ചിലേക്കു നല്ല ബൂട്ടിട്ട ആ കാലൊന്നെടുത്തു വെച്ചതും ... ആ ചവിട്ടു എന്റെ ഇടതു കയ്യിന്മേലായതും ...
എന്റെ നല്ല ജീവനങ്ങു പോയി...
"കാലെടുക്കെടാ കാലമാടാ" എന്നു പറഞ്ഞാല് അയാളുണ്ടൊ കേള്ക്കുന്നു. അവിടെ പാട്ടു തകര്ക്കുകയല്ലേ!! :(
ഒരു തരത്തില് അയാളെ ശക്തിയായി ഉന്തിയപ്പോള് അയാള്ക്കു കാര്യം പിടി കിട്ടി. അയാള് കാലെടുത്തു... എന്നെ ചവിട്ടിയെന്നറിഞ്ഞപ്പോള് അയാള്ക്കു വലിയ വിഷമം ... അടക്കാനാവാത്ത വിഷമം ...
എന്റെ കഷ്ടകാലം തുടങ്ങുകയായിരുന്നു എന്നു എനിക്കറിയില്ലായിരുന്നു.... :(
എന്നോടു മാപ്പു പറയാനായി അയാള് ബിയര് താഴെ വെച്ചു എന്നിട്ടു "സോറി" "സോറി" എന്നു പറഞ്ഞുകൊണ്ടു എന്നെ ഉമ്മവെക്കാന് തുടങ്ങി..
എന്റെ മുഖത്തു അയാള് ഉമ്മവെക്കാത്ത ഒരിഞ്ചു സ്ഥലം പോലുമില്ല! :(
എന്റെ കൂടെ വന്നവരാണെങ്കില് ഇരുന്നു ചിരിക്കുന്നു... കണ്ടു നില്ക്കുന്നവരും ചിരിക്കുന്നു .. .എങ്ങനെ ഇയാളില് നിന്നു രക്ഷപ്പെടും ഞാന് ?
വീണ്ടും ഒരിക്കല് കൂടി അയാളെ ഉന്തിമാറ്റി ഞാന് ...
സാരല്ല്യ ചേട്ടായീ... ചവിട്ടീതു ചവിട്ടി... ഇനി ഉമ്മയെങ്കിലും തരാതിരിക്കൂ എന്നൊക്കെ പറഞ്ഞു ഒഴിവാക്കി..
കൂടെ വന്നവര് ചിരിക്കുന്നു കളിയാക്കുന്നു.... എന്റെ മാനം കപ്പലുകയറിപ്പോയി...
[പിന്നെ..., നാണം എന്ന സംഭവം പണ്ടുമുതലേ ഇല്ലാത്തതിനാല് ... വലിയ മനോവേദനയൊന്നും ഉണ്ടായില്ല ;) ]
അപ്പോഴെക്കും ഭാഗ്യത്തിനു വെയിട്രസ് ചേച്ചി വന്നു. ഹാവൂ രക്ഷപ്പെട്ടു എന്നു സമാധാനിച്ച ഈ എന്റെ, അതെ എന്റെ മുഖത്തു നോക്കി... ആ ക്രൂരയായ ചേച്ചി ... കണ്ണില് ചോരയില്ലാതെ പറഞ്ഞു....
"ഇവിടെ ഇരിക്കാന് പറ്റില്ല്യാട്ടാ... - ഇതു്, ഈ മേശ .. ബുക്ക്ഡാ" എന്നു്.
എന്തെങ്കിലും പറയാനുള്ള ശക്തി എന്നില് അവശേഷിച്ചിരുന്നില്ല....
ഞങ്ങള് 4 പേരും അങ്ങോട്ടും ഇങ്ങോട്ടും നോക്കാതെ എഴുന്നേറ്റു പോന്നു...
അപ്പൊ... ചുരുക്കിപ്പറഞ്ഞാല് ഞാന് വെറുതെ ചെന്നു, മേശ വൃത്തിയാക്കി, ചവിട്ട് വാങ്ങി... ഉമ്മയും വാങ്ങി ഇളിഭ്യനായി പോന്നു.
{ഭാഗ്യവശാല് ഞങ്ങള്ക്കു് വേറേ നല്ല സ്ഥലം കിട്ടി) :)
താഴെ... എന്റെ ബിയര്ഫെസ്റ്റു വേഷങ്ങളും .. പിന്നെ കുറച്ചു താന്തോന്നിത്തരങ്ങളും ;)
ഇനി, അതൊക്കെ പോട്ടെ.. കൂട്ടുകാരേ .. തണുപ്പുകാലം വരുന്നു...
ഇലകളൊക്കെ നിറം മാറിത്തുടങ്ങി... പൊഴിഞ്ഞുതുടങ്ങി...
ചിത്രപ്പോസ്റ്റുകള് ഒന്നും തന്നെ ഇടില്ലാ എന്നു തീരുമാനിച്ചിരുന്നതാണു്.. എന്നാലും എന്നും രാവിലെയും വൈകീട്ടും ഞാന് പോകുന്ന വഴിയരികില് കാണുന്ന സുന്ദരമായ കാര്യങ്ങള് നിങ്ങളെക്കാണിക്കാതിരിക്കുന്നതും മോശമല്ലേ? [എന്നെ പട്ടിയോടിച്ച വയലോരത്തെ വഴിയരികില മരങ്ങള് :) ]
അതൊക്കെ കാണുമ്പോള് ഏതു പാട്ടു പാടണം എന്നാണെന്റെ സംശയം ... "ഇല പൊഴിയും ശിശിരത്തില്... " ... പാടണോ ..?
അതോ ... "നിറങ്ങളേ പാടൂ... " എന്നു പാടണോ?
നിങ്ങള് ചിത്രങ്ങള് കാണൂ... എന്നിട്ടു ഏതു പാട്ടു പാടണം എന്നു പറയൂ...
ഇതാ... നിങ്ങളുടെ ഡെസ്ക്ടോപ്പുകളേ അലങ്കരിക്കാന് ....
[The images are in their original size - full resolution. No Photoshop work done, except the colour-pop of Windows Live Writer. AS USUAL, THE IMAGES ARE PROTECTED UNDER COPYRIGHT. No one may use the images for anything which would lead to any monetary benefit; without written permission from me.]
സസ്നേഹം കരിങ്കല്ലു്. :)
~
29 comments:
അതൊക്കെ കാണുമ്പോള് ഏതു പാട്ടു പാടണം എന്നാണെന്റെ സംശയം ... "ഇല പൊഴിയും ശിശിരത്തില്... " ... പാടണോ ..?
അതോ ... "നിറങ്ങളേ പാടൂ... " എന്നു പാടണോ?
നിങ്ങള് ചിത്രങ്ങള് കാണൂ... എന്നിട്ടു ഏതു പാട്ടു പാടണം എന്നു പറയൂ...
ഇതാ... നിങ്ങളുടെ ഡെസ്ക്ടോപ്പുകളേ അലങ്കരിക്കാന് ....
അപ്പൊ,ഞാനും തിരിച്ചു ഒരു തേങ്ങ ഉടച്ചു...
ഈ ഒക്ടോബര് ഫെസ്റ്റ് നെ പ്പറ്റി കുറെ വായിച്ചിട്ടുണ്ട്.ആദ്യം കുറെ പണി കിട്ടിയെങ്കിലും അതിന്റെ ഒരു ഭാഗമാകാന് കഴിഞ്ഞല്ലോ...ഭാഗ്യവാന്!!
ഫോട്ടോ നന്നായി കേട്ടോ...
പാട്ടു,പിന്നെ ഏത് വേണമെങ്കിലും മൂഡ് അനുസരിച്ച് പാടാം..
നല്ല പടങ്ങള്! വിവരണവും നന്നായിട്ടുണ്ട്.
നല്ല പടങ്ങള്.
ചെത്ത് സ്റ്റൈല് !!
ഇവിടെയും നിറങ്ങള് എത്തി തുടങ്ങി
തണുപ്പ് ഈ കൊല്ലം നേരത്തെ തന്നെ
പടങ്ങളും വിവരണങ്ങളും ഉഷാറായി ട്ടോ !
ആശംസകള്...
ഇവിടെ വന്നില്ലായിരുന്നെങ്കിൽ ഈ ചിത്രങ്ങളൊക്കെ എനിയ്ക്ക് നഷട്ടമാകുമായിരുന്നല്ലൊ!
എല്ലാ എടുക്കുംട്ടൊ സാൻഡ്സെ.
(ഈ ‘കരിങ്കല്ല്’ എന്ന പേരുമാറ്റി ‘ഉമ്മാക്കീ’ന്നോമറ്റോ ആക്കിക്കോളൂ..
സായ്പ്പ് അതാക്കിവിട്ടതല്ലേ?)
'അപ്പൊ... ചുരുക്കിപ്പറഞ്ഞാല് ഞാന് വെറുതെ ചെന്നു, മേശ വൃത്തിയാക്കി, ചവിട്ട് വാങ്ങി... ഉമ്മയും വാങ്ങി ഇളിഭ്യനായി പോന്നു'
അയ്യയ്യോ..എനിക്കു വയ്യായേ..
autumn ചിത്രങ്ങൾ അതിമനോഹരം. വസന്ത്കാലത്തേക്കാൾ ഭൂമി സുന്ദരിയാകുന്നത് autumn സീസണിലാണെന്നു തോന്നാറുണ്ട് എനിക്ക്
:-)
നല്ല ചിത്രങ്ങള്..
പാട്ട് : “വര്ണ്ണ വൃന്ദാവനം എന്നുമുണ്ടാകുമോ?...”
'അപ്പൊ... ചുരുക്കിപ്പറഞ്ഞാല് ഞാന് വെറുതെ ചെന്നു, മേശ വൃത്തിയാക്കി, ചവിട്ട് വാങ്ങി... ഉമ്മയും വാങ്ങി ഇളിഭ്യനായി പോന്നു'
സന്ദീപേ... അവിടെ സേവനവാരം കഴിഞ്ഞില്ലായിരുന്നു എന്ന് ഇപ്പഴല്ലേ മനസ്സിലായത്... ;)
പിന്നെ, ഈ ചിത്രങ്ങള് കാണുമ്പോള് തോന്നുന്ന ആ സന്തോഷം പറഞ്ഞറിയിയ്ക്കാന് വയ്യ. :)
സ്പാറി :)..കിടിലം ഫോട്ടോസ് :)
കരിങ്കല്ലേ..കള്ളാ... ആ തോന്തോന്നിത്തരത്തിന്റെ ഫോട്ടോ കണ്ടിട്ട് സഹിക്ക്യാമ്പറ്റണില്യടാ.. ആ നിന്റെ ടൈം.. :(
ശിശിരകാല നിറങ്ങള് ഏറെ നന്നായെന്നു പറയണ്ടല്ലോ..
ചവിട്ട് കിട്ടിയാലെന്താ ഫ്രീ ഉമ്മ കിട്ടിയില്ലേ???? ഹോ ഭാഗ്യവാന്...
പോസ്റ്റ് നന്നായിട്ടുണ്ട്....
അതേ...THE IMAGES ARE PROTECTED UNDER COPYRIGHT ന്നു പറയുന്നത് ആരോടാ???? ഒരു നാണവും ഇല്ലതെ പോസ്റ്റ് തന്നെ എടുതിട്ട് പൊകുന്നവരോടാണോ ഫോട്ടോ എടുക്കരുതെന്നു പറയുന്നത്...
ഫോട്ടോസ് superb yaar.. nice shots...
Tin2
:D
hehe.. chavittum-ummayum sambhavam kollam.. a thadiyan chetante photoyum koodi idayirunnu.. :P
@ pics
as usual, nice ones :)
Vivek.
കിനാവിന്റെ ചിറകുള്ള സ്മിതേ:
തേങ്ങക്കു നന്ദി.. :)
ഇതു എന്റെ 4-ആമത്തെ ഒക്ടോബര് ഫെസ്റ്റ് ആണു്.
എന്നെങ്കിലും വരാന് ആഗ്രഹമുണ്ടെങ്കില് അറിയിക്കൂ..
വാല്മീകി : നന്ദിയിണ്ടു മാഷേ... :)
അനോണീ ... നന്ദി....
മാണിക്യം :
താങ്ക്യൂ താങ്ക്യൂ ;)
ശരിയാ തണുപ്പു വളരേ നേരത്തേ തുടങ്ങി...
ഭൂമിപുത്രി :
ചിത്രങ്ങല് സന്തോഷമായി എടുത്തോളൂ...
എന്നിട്ടു എന്നെ കളിയാക്കേം ചെയ്തോളൂ..
പാവം ഞാന് .... :(
ലക്ഷ്മീ...
ഇളിഭ്യനായി വിഷണ്ണനായീ.. ഏകാന്തനായ് ഞാന് നിന്നൂ... :(
അതു തന്നെ! :(
പിന്നെ ഭൂമി എപ്പോഴും സുന്ദരിയല്ലേ ...
മുകളില് എന്നെ കളിയാക്കിയ നമ്മുടെ ഭൂമിപുത്രി എങ്ങനെയാണോ എന്തോ ;)
[അടി കിട്ടും .. എനിക്കു ]
കിഷോര് :
നന്ദി..
പാട്ടു സജഷനും കൊള്ളാം :)
ശ്രീ :
ഹ്മ്മ്മ്... കളിയാക്കിക്കോ... കളിയാക്കിക്കോ...:)
ചിത്രങ്ങള് ഇഷ്ടമയി എന്നതില് സന്തോഷിക്കുന്നു... :)
കോറോത്ത് :
കൊള്ളാല്ലോ ആ വാക്കു് -- സ്പാറി..
ഞാനും ഇനി ഉപയോഗിക്കാം ...
നന്ദീണ്ട്ട്ടാ...
നന്ദകുമാര് :
അസൂയക്കു് മരുന്നില്ല മാഷേ ;)
ആ ഫോടോ കണ്ടിട്ടു .. എനിക്കു തന്നെ എന്നോടു അസൂയ ! :)
നന്ദി.. :)
Tintu aka തിന്റു : ...
ഉമ്മ കിട്ടിയതു .. ഒരു ചേട്ടന്റെ കയ്യീന്ന... എന്താകര്യം ?
ആ ഫോടൊയില് എന്റെ കൂടെയുള്ള ചേച്ചിമാരായിരുന്നെങ്കില് നന്നായിരുന്നേനേ! :(
ഫോടൊസ് എല്ലാരും എടുക്കട്ടേന്നേ... എല്ലാരും നമ്മുടെ സ്വന്തം ആള്ക്കാരല്ലേ.. :)
വിവേക് : അതെ, ഇനി അയാളുടെ ഫോട്ടോ മാത്രം കൂടി കിട്ടിയാല് മതി! :(
നന്ദി :)
nalla photos....nalla vivaranam.
vijayadasami aasamsakal
മാഷെ...
ശിശിരത്തിലെ പടങ്ങള് അടിപൊളി..!
ഒരു തലതിരിഞ്ഞ സംശയം/ ചോദ്യം..ഇങ്ങനെ ബിയറും, നാരി ജനത്തിനോടൊപ്പം ബിയറും പിടിച്ചു നില്ക്കുന്ന പടംസ് വീട്ടുകാര് കണ്ടാല്...എന്തായാലും നേരായ ചിന്ത എന്റെ മനസ്സില് വന്നില്ല...
രാമനുണ്ണിമാഷേ :)
വന്നതില് സന്തോഷം ... :)
നന്ദി :)
കുഞ്ഞന് ചേട്ടാ:
നന്ദി.. .
പിന്നെ സംശയം .... [വീട്ടുകാരൊക്കെ കാണുന്നുണ്ട്... :)]
തെറ്റായ രീതിയില് ഒന്നും ഞാന് ചെയ്യുന്നില്ല എന്നാണെന്റെ തോന്നല് ... ഒളിപ്പിച്ചുവെക്കേണ്ടതായ ഒന്നും ചെയ്യുന്നില്ല... അതു പോരേ? :)
ഈ പടങ്ങള് കണ്ടപ്പോല് എനിക്കു തോന്നിയത്
സ്വര്ഗ്ഗം താണിറങ്ങി വന്നതോ എന്ന പാട്ട് പാടാനാ. അത്രയ്ക്കും രസമല്ലേ ആ പടങ്ങള്..എന്തൊരു ഭംഗിയാ.
ഏതു പാട്ട് വേണേലും പാടാം.
പടങ്ങള് കൊള്ളാം.
ഇതൊന്നും വച്ച് കൊതിപ്പിക്കല്ലേ...
ഏത് പാട്ട് വേണമെന്ന് വച്ചാ...ഇനി അത് പറഞ്ഞിട്ട് വേണം പാടി കൊളമാക്കാന്...
kollallo karinkalle?
super
ഡെസ്ക്ടോപ്പ് അലങ്കരിക്കാന് പടം തിരഞ്ഞുകൊണ്ടിരിക്കുമ്പോഴാണു കരിങ്കല്ലിന്റെ വക ശിശിരം സുന്ദരിയാക്കിയ ചിത്രങ്ങള് കണ്ടതു.. .എപ്പോള് അടിച്ചു മാറ്റീന്നു ചോദിച്ചാല് പോരെ...രണ്ടു പാട്ടും മാറി മാറി പാടി ഞാന് അടിച്ചു മാറ്റീ ട്ടോ...ഒക്റ്റോബര് ഫെസ്റ്റ് ന്നു പറയണ ആഘോഷത്തെ പറ്റി ആദ്യായിട്ടാ കേള്ക്കണതു....ഉമ്മയുടെം ചവിട്ടിന്റേം ഓര്മ്മക്ക് ആ ചവിട്ടിയ വീരന്റെ കൂടെ പോട്ടം ഇടായിരുന്നു...;)
photos kalakki..especially that second foto..super aayittundallo.. :)
pinne phalitham paranju phalippikkunnathil vijayichallo...iniyenthu venam?? :)
എനിക്കാ നൃത്തക്കാരന് തടിയന് ജര്മ്മന്കാരനെ അങ്ങു ഭയങ്കര ഇഷ്ടമായിപ്പോയി....
കരിങ്കല്ലിനെ സ്നേഹപൂര്വ്വം ചവിട്ടിത്തിരുമ്മി..
പിന്നെ ദേഷ്യം തീര്ക്കാനായി ഉമ്മവച്ചുമ്മവച്ചുമ്മവച്ചുമ്മവച്ചുമ്മവച്ച് കൊന്നു...
ഹാ ഹാ എത്ര നല്ല സീന് ആയിരുന്നിരിക്കും അത്.....
ഞാനത് ഭാവനയില് കണ്ട് ആസ്വദിക്കുന്നു....
your wincing and the embarassment afterwards...
ഹോ, ചിരിച്ചു ചിരിച്ച് വയറു വേദനിക്കുന്നേ...
ഹായ് ആ ചിത്രങ്ങള് !
അവിടത്തെ പ്രകൃതി ഇത്ര മനോഹരിയൊ?
അതു നോക്കി നിറങ്ങളേ പാടൂ എന്ന പാട്ടു തന്നെയാണ് പാടേണ്ടത് മോനെ.
പിന്നെ, കിഷോറും കാന്താരിയും പറഞ്ഞ രണ്ടു പാട്ടുകളും കൊള്ളാം. എനിക്കു പാടാന് തോന്നുന്നത് ‘ഈ മനോഹര തീരത്തു തരുമോ ഇനിയൊരു ജന്മം കൂടീ...’ എന്നാണ്.
(പക്ഷേ ഉള്ളിന്റെയുള്ളില് ആശയില്ലകേട്ടോ ഇനിയൊരു ജന്മംകൂടി വേണമെന്ന്)
കരിങ്കല്ലു ചേട്ടാ..കൊള്ളാം ബിയറ് ഫെസ്റ്റ്..
"സാരല്ല്യ ചേട്ടായീ... ചവിട്ടീതു ചവിട്ടി... ഇനി ഉമ്മയെങ്കിലും തരാതിരിക്കൂ "...
ഈ സീന് ഓര്ത്തു..ഒത്തിരി ചിരിചു ...
പിന്നെ നിറങ്ങളേ പാടൂ... ആ പാട്ടു പാടിക്കോ ..അതാ ചേര്ച്ച..ഫോട്ടോ നന്നായി കേട്ടോ...
കാന്താരിച്ചേച്ചീ...
ആ പാട്ടും കിടിലന് തന്നെ.. എന്തായാലും ഞാന് എല്ലാ പാട്ടും പാടുന്നുണ്ട്. :)
krish | കൃഷ് : നന്ദി :)
കുഞ്ഞിപെണ്ണ് : ഞാന് ഭയങ്കര പാട്ടുകാരനാ അതറിയില്ലേ?
പിരിക്കുട്ടി : താങ്ക്സുണ്ട്..ട്ടോ
റോസേ : അദ്ദേഹത്തിന്റെ ഫോട്ടോ എടുക്കാനുള്ള ഒരു മാനസികാവസ്ഥയില് ആയിരുന്നില്ല എന്നറിയല്ലോ... ഇല്ലേ :)
അനോണീ.. : നന്ദി! :) എനിക്കു മനസ്സിലായീ ആരാണെന്നു! :)
ഗീതചേച്ചീ.. : അതെ... എന്നെ കളിയാക്കാന് നോക്കിയിരിക്കായിരുന്നില്ലേ ചേച്ചീ?? ഇപ്പൊ സന്തോഷമായില്ലേ??
ചേച്ചീടെ പാട്ടും കൊള്ളാം :)
ഇന്ദു : ഹും... എന്നെ അയാളു ചവിട്ടിയതാണിപ്പൊ എല്ലാര്ക്കും ഇഷ്ടായതു അല്ലേ?? :(
Ee post inte link eniku kittiyillallo...
Post a Comment